Ur pennad istor

E bro-Leon ivez ez eus ur mikro-hin a-vat evit gounidigezh an avaloù-sistr a galite. Gwerjeoù Kerbuel, war gumun Plegad-Gwerann, anavezet-mat evit gouel ar c’herez eno, a ra e vad eus ar mikro-hin-se.

Ouzhpenn da-se e kaver eno un douar meinek troet war-zu ar c’hreisteiz, lec’h m’eo bet plantet 700 avalenn, hag evel-se ’po ur sistr priziet gant an amatourien evit e liv goularz hag e blaz frouezhek.

Hañv-goañv e c’hellit dont da welet penaos e vez fardet sistr gwerje Kerbuel. Ur film a vo kinniget deoc’h, ha gweladennet e vo an atalier goude-se. Gant an tañva evit echuiñ ar weladenn oc’h sur da vezañ kendrec’het m’eo an evaj hengounel-mañ gouest da zegas kement a vlazoù ha ma oac’h o c’hortoz digantañ, ha pa vefec’h bet o weladenniñ sistrerezhioù all c’hoazh !